அவர்கள் செய்ததாகக் கூறப்படும் இந்தக் கிரிமினல் குற்றங்களுக்காக இவ்வாறு மறைமுகமாக விதிக்கபபடும் தடுப்புக்காவல் தண்டனையைத் தவிர, விசாரணைகள் மற்றும் கிரிமினல் குற்றச்சாட்டுகள் தொடங்கப்பட்டால் அவர்களுக்கு இரண்டாவது முறையும் மற்றுமொரு தண்டனையும் கிடைக்கக்கூடிய சாத்தியக்கூறை அவர்கள் எதிர்நோக்குகிறார்கள் என்று இந்த அமைப்பு சுட்டிக்காட்டுகிறது. இலங்கை அரசு கடந்த ஆண்டு போர் முடிவடைந்த காலகட்டத்தில் சரணடைந்த அல்லது கைது செய்யப்பட்ட முன்னாள் விடுதலைப்புலிப் போராளிகளில் இன்னும் சுமார் 8,000 பேர் வரை தடுத்துவைத்திருக்கின்றது. இந்தத் தடுப்பு முகாம்களை உலகிலேயே பெரிய அளவிலான, நிர்வாகமே செய்யும் தடுப்புக்காவல் என்று வர்ணிக்கும் இந்த அமைப்பு, இந்த தடுப்புக்காவல் சுதந்திரத்துக்கான உரிமை, நியாமான விசாரணைக்கான மற்றும் நியாயமான சட்டரீதியான வழிமுறையை அவர்களுக்கு வழங்குவது போன்றவைகளையும் மறுக்கிறது என்று கூறியுள்ளது. ''போர் முடிந்த நிலையில், களத்தில் இருக்கும் நிலைமைகள் நாட்டின் இருப்புக்கு ஒரு அச்சுறுத்தலைத் தருவதாக கருதமுடியாது; எனவே இலங்கையில் அவசரநிலையை இன்னும் அமலில் வைத்திருப்பதை சர்வதேச அளவுகோல்களின்படி நியாயப்படுத்த முடியாது'' என்றும் அது குறிப்பிடுகிறது.
கருத்துகள் இல்லை:
கருத்துரையிடுக