டக்ளஸ் தேவானந்தாக்கு ஆப்பு வைத்த மகிந்த‌

நேற்று அறிவிக்கப்பட்ட‌ அமைச்சரவையில் கைத்தொழில் அமைச்சராக நியமிக்கப்பட்டவர் வன்னியில் தமிழின விரோத நடவடிக்கைகளில் ஈடுபட்டு தமிழரது வாக்குரிமையையும் தடுத்த ரிசாட் பதியுதீன் ஆவார். அதே நேரத்தில் பாரம்பரிய கைத்தொழில் மற்றும் சிறு தொழில் முயற்சிகள் அபிவிருத்தி அமைச்சராக ஈழமக்கள் ஜனநாயகக்கட்சியின் செயலாளர் நாயகம் டக்ளஸ் தேவானந்தா பதவிப்பிரமாணம் செய்துகொண்டார். டக்ளஸ் தேவானந்தாவிற்கு சிறுகைத்தொழில் அமைச்சு வழங்கப்பட்டிருப்பது டக்ளஸை அவமானப்படுத்துவதற்காக திட்டமிட்டு மேற்கொள்ளப்பட்டுள்ள நடவடிக்கை எனத் தெரிவிக்கப்பட்டுள்ளது. கடந்த பல வருடங்களாக அரசிற்கு முண்டு கொடுத்த டக்ளஸைப் பின்தள்ளி அண்மையில் அரசில் இணைந்து கொண்ட பதியுதீனுக்கு முன்னுரிமை கொடுத்திருப்பது குறித்து ஈ.பி.டி.பி வட்டாரங்கள் மன உளைச்சலுக்கு உள்ளாகியிருப்பதாகவும் தெரிவிக்கப்படுகிறது. எதிர்வரும் வட மாகாண சபைத் தேர்தலில் அங்கயன் தலைமையில் சிறிலங்கா சுதந்திரக் கட்சியின் நேரடி உறுப்பினர்களை முன்னிறுத்த திட்டமிட்டுள்ள ராஜபக்ச சகோதரர்கள் அதற்கு முன்னோடியாகவே இந்தப் பதவிக்குறைப்பு வேலைத்திட்டத்தை வெள்ளோட்டம் விட்டுப் பார்த்துள்ளனர் என்கின்றனர் அவர்களை நன்றாகப் புரிந்து வைத்திருக்கும் கொழும்புச் செய்தியாளர்கள்