தொடரும் இலங்கை கடற்படை அட்டூழியம்

இந்திய கடல் எல்லைக்குள் அத்துமீறி நுழைந்த இலங்கை கடற்படையினர், தங்கச்சிமடம் மீனவர்களை தாக்கி மீன்களை பறித்துச் சென்றனர். ராமேஸ்வரத்தில் இருந்து நேற்று 100க்கும் மேற்பட்ட விசைப்படகுகள் கடலுக்கு சென்றன. இந்திய கடல் எல்லையான 9 கடல் மைல் தூரத்தில் மீனவர்கள் மீன் பிடித்துக் கொண்டிருந்தனர். அப்போது ரோந்து வந்த இலங்கை கடற்படையினர் இந்திய கடல் எல்லைக்குள் அத்துமீறி நுழைந்தனர்.
தங்கச்சிமடத்தை சேர்ந்த தாசன் என்பவருக்கு சொந்தமான விசைப்படகு மீது கல்வீசி தாக்கினர்.படகில் இருந்த இறால் மீன்கள், ஜிபிஎஸ் கருவி, மொபைல் போன்களை பறித்துக்கொண்டு, மீனவர்களை எச்சரித்துவிட்டு சென்றனர்.இதனால் மீனவர்கள் பதற்றத்துடன் கரை திரும்பினர்