சிலோன் என்ற விடயம் முற்றாக துறக்கப்பட வேண்டும் என்ற ஜனாதிபதி மஹிந்த ராஜபக்ஷவின் பரிந்துரைக்கமைவாக, ''சிலோன் எலக்ரிசிட்டி போர்டின்'' பெயரை மாற்றுவதற்கான விண்ணப்பம் ஒன்றை எரிசக்தி அமைச்சு அமைச்சரவையில் சமர்ப்பித்துள்ளது.
இலங்கையின் சிலோன் என்ற பிரிட்டிஷ் காலனித்துவ பெயர் போர்த்துகீசரின் காலத்தில் இருந்து பெறப்பட்ட ஒன்றாகும். எலிசபத் மகாராணியார்தான் இலங்கையின் தலைவி என்ற நிலைமையை மாற்றி இலங்கையை குடியரசாக அறிவித்தபோது 1972இல் இந்தப் பெயரும் மாற்றப்பட்டது. புதிதாக இடப்பட்ட ''லங்கா'' என்ற பெயருக்கு ''சிறி'' என்ற கௌரவத்தைக் குறிக்கும் சொல்லும் அப்போது சேர்க்கப்பட்டது. இந்த லங்கா என்பது சிங்கள லங்கா மற்றும் தமிழின் இலங்கை என்பவற்றுக்கு நெருக்கமான சொல்லாக கருதப்படுகிறது. எப்படியிருந்த போதிலும் ''சிலோன் டீ'' என்ற பெயர் மாற்றப்படாது போல தெரிகிறது.இலங்கையின் முக்கிய ஏற்றுமதிப் பொருளான தேயிலைக்கு, அதனது தரத்தைக் குறிக்கும் முத்திரை தான் அந்த ''சிலோன் டீ'' என்ற பெயர் என்று அந்தத் தொழிற்துறை நம்புகிறது.
கருத்துகள் இல்லை:
கருத்துரையிடுக